"Inter" "Chelsi"ning markaziy himoyachisi Trevo Chalobaga qiziqishni yo‘qotgani yo‘q, u ushbu transfer oynasida jamoasini tark etishi mumkin. Jurnalist Nikolo Skiraning qayd etishicha, angliyalik futbolchi hamon “neradzurrilar” tomonidan avvalroq “PSJ”ga erkin agent sifatida o‘tgan Milan Shkrinyarning o‘rnini bosuvchi futbolchi sifatida qaralmoqda.
Hozirda "Chelsi"da Chalobaga joy yo‘q. Trevo - zaxira o‘yinchisi. Fransiyaning “Monako” klubidan Aksel Disasi transferidan so‘ng vaziyat yanada og‘irlashdi. Angliyalik futbolchi qolgan kunlarda "Chelsi"ni tark etishga tayyor.
Oldinroq "ko‘klar" Chaloba uchun taxminan 50 million yevro talab qilishi haqida xabarlar tarqalgan edi.