"Интер" "Челси"нинг марказий ҳимоячиси Трево Чалобага қизиқишни йўқотгани йўқ, у ушбу трансфер ойнасида жамоасини тарк этиши мумкин. Журналист Николо Скиранинг қайд этишича, англиялик футболчи ҳамон “нерадзуррилар” томонидан аввалроқ “ПСЖ”га эркин агент сифатида ўтган Милан Шкриньярнинг ўрнини босувчи футболчи сифатида қаралмоқда.
Ҳозирда "Челси"да Чалобага жой йўқ. Трево - захира ўйинчиси. Франциянинг “Монако” клубидан Аксель Дисаси трансферидан сўнг вазият янада оғирлашди. Англиялик футболчи қолган кунларда "Челси"ни тарк этишга тайёр.
Олдинроқ "кўклар" Чалоба учун тахминан 50 миллион евро талаб қилиши ҳақида хабарлар тарқалган эди.