Xarri Keyn "Bavariya"dagi birinchi mavsumdan umidlari bilan o‘rtoqlashdi.
"Ko‘pchilik bu yerga kelganimning sababi deb sovrinlar haqida gapirishadi, lekin men bu yerga yaxshilanish uchun keldim, har kuni chempionlar ligasida g‘alaba qozonish, Chempionlar ligasida uzoqqa borish va o‘zimni chegaraga surish kerak bo‘lgan bosimni his qilish uchun keldim.
Agar o‘yinlarda g‘alaba qozonsak, chempionlar ligasida g‘alaba qozonsak - men hujumda o‘ynasam va ehtimol gol ursam - bu kelajakda individual sovrinlarni qo‘lga kiritish imkonini beradi.
Ammo barchasi jamoa sifatida nimaga erishganingizga bog‘liq. Men birinchi navbatda shu narsaga e’tibor qaratyapman.
Oldinda bizni uzoq mavsum kutmoqda. "Bavariya"da chempionlikni qo‘lga kiritish va Chempionlar ligasida uzoqqa borish uchun katta bosim bor va men bu vazifani o‘z zimmasiga olganimdan xursandman.
"Bavariya" kabi klubda o‘ynab, g‘alaba qozonish kerak. Bunga hech qanday shubha yo‘q. Agar siz g‘alaba qozonmasangiz yoki yomon ishlasangiz, ular sizdan shubhalanishadi. Faoliyatim davomida bunga "Tottenxem" va Angliya terma jamoasida to‘qnash kelganman.
Yangi mavsumni har doim yaxshi boshlashni xohlaysiz. Birinchi mehmondagi o‘yin qiyin bo‘ladi, ammo g‘alaba qozonsak, o‘zimizga bo‘lgan ishonch paydo bo‘ladi" - dedi Keyn.
"Bavariya" Bundesliga mavsumini 18 avgust kuni "Verder"ga qarshi safar o‘yini bilan ochadi.
