"Inter" "Bavariya"ning fransiyalik himoyachisi Benjamin Pavarni sotib olish taklifini ilgari surdi, deb xabar beradi Bild jurnalisti Tobi Altsheffl o‘zining ijtimoiy tarmoqlarida.
Manbaga ko‘ra, Milan klubi Pavarning transferi uchun 25 million yevro taklif qilgan. Biroq bu variant futbolchi uchun ko‘proq olmoqchi bo‘lgan nemislarga to‘g‘ri kelmadi. Qayd etilishicha, Pavar yaqinda Yan-Kristian Driyezen bilan shaxsiy suhbatida “Bavariya”ni tark etish niyatida ekanligini aytgan.
Avvalroq, "Manchester Yunayted" 27 yoshli Pavar uchun taxminan 29 million yevro to‘lashga tayyorligi xabar qilingandi. "Bavariya" rahbariyati futbolchi uchun 45 milliondan 50 million yevrogacha pul talab qilmoqda.