"Интер" "Бавария"нинг франциялик ҳимоячиси Бенжамин Паварни сотиб олиш таклифини илгари сурди, деб хабар беради Bild журналисти Тоби Альтшеффл ўзининг ижтимоий тармоқларида.
Манбага кўра, Милан клуби Паварнинг трансфери учун 25 миллион евро таклиф қилган. Бироқ бу вариант футболчи учун кўпроқ олмоқчи бўлган немисларга тўғри келмади. Қайд этилишича, Павар яқинда Ян-Кристиан Дриезен билан шахсий суҳбатида “Бавария”ни тарк этиш ниятида эканлигини айтган.
Аввалроқ, "Манчестер Юнайтед" 27 ёшли Павар учун тахминан 29 миллион евро тўлашга тайёрлиги хабар қилинганди. "Бавария" раҳбарияти футболчи учун 45 миллиондан 50 миллион еврогача пул талаб қилмоқда.
