Yarim himoyachi Lukas Paketaning "Vest Xem"dan "Manchester Siti"ga o‘tishi muvaffaqiyatsiz yakunlanishi mumkin. Italiyalik insayder Fabrisio Romanoning ijtimoiy tarmoqlarda xabar berishicha, bitim barbod bo‘lish arafasida. Ayni paytda klublar o‘rtasidagi muzokaralar davom etmoqda.
Oldinroq "Vest Xem" Lukas Paketa transferidan 100 million yevrodan ko‘proq pul olmoqchi ekani xabar qilingandi. Shu bilan birga Transfermarkt portali Braziliya terma jamoasining 25 yoshli yarim himoyachisini 45 million yevroga baholamoqda.
Lukas Paketa “Vest Xem” safida 42 ta rasmiy o‘yinda maydonga tushib, 5 ta gol urdi va 7 ta golli uzatmani amalga oshirdi.