Ярим ҳимоячи Лукас Пакетанинг "Вест Хэм"дан "Манчестер Сити"га ўтиши муваффақиятсиз якунланиши мумкин. Италиялик инсайдер Фабрицио Романонинг ижтимоий тармоқларда хабар беришича, битим барбод бўлиш арафасида. Айни пайтда клублар ўртасидаги музокаралар давом этмоқда.
Олдинроқ "Вест Хэм" Лукас Пакета трансферидан 100 миллион евродан кўпроқ пул олмоқчи экани хабар қилинганди. Шу билан бирга Transfermarkt портали Бразилия терма жамоасининг 25 ёшли ярим ҳимоячисини 45 миллион еврога баҳоламоқда.
Лукас Пакета “Вест Хэм” сафида 42 та расмий ўйинда майдонга тушиб, 5 та гол урди ва 7 та голли узатмани амалга оширди.