Rossiyalik hujumchi Aleksandr Kokorin Italiya chempionati 1-turi doirasidagi «Jenoa»ga qarshi o‘yinda «Fiorentina» safida maydonga tushish imkoniyatiga ega.

RB Sport o‘z sahifalarida Italiya manbalariga tayanib xabar bermoqdaki, 32 yoshli Kokorin mavsumoldi yig‘inida «binafsharanglar» bosh murabbiyi Vinchenso Italyanoni hayratda qoldira oldi.

Eslatib o‘tamiz, Aleksandr Kokorin o‘tgan mavsumni Kiprning «Aris» jamoasida ijara asosida o‘tkazgan edi.

Avvalroq rossiyalik futbolchi «Fiorentina»da yaxshi taassurot qoldirmagan – 11 ta rasmiy o‘yinda birorta ham gol urmagan.

«Jenoa» – «Fiorentina» uchrashuvi 19 avgust, shanba kuni bo‘lib o‘tadi.