Россиялик ҳужумчи Александр Кокорин Италия чемпионати 1-тури доирасидаги «Женоа»га қарши ўйинда «Фиорентина» сафида майдонга тушиш имкониятига эга.
РБ Спорт ўз саҳифаларида Италия манбаларига таяниб хабар бермоқдаки, 32 ёшли Кокорин мавсумолди йиғинида «бинафшаранглар» бош мураббийи Винченцо Итальянони ҳайратда қолдира олди.
Эслатиб ўтамиз, Александр Кокорин ўтган мавсумни Кипрнинг «Арис» жамоасида ижара асосида ўтказган эди.
Аввалроқ россиялик футболчи «Фиорентина»да яхши таассурот қолдирмаган – 11 та расмий ўйинда бирорта ҳам гол урмаган.
«Женоа» – «Фиорентина» учрашуви 19 август, шанба куни бўлиб ўтади.
