«Manchester Yunayted» hujumchi Meyson Grinvud haqida bayonot berdi.
Klub 21 yoshli futbolchiga nisbatan ichki tekshiruvni yakunladi, biroq uning taqdiri borasida yakuniy qarorga kelmadi.
Eslatib o‘tamiz, 2022 yil boshida Grinvud zo‘ravonlikda ayblangan, keyin esa klub futbolchini tarkibdan chetlatgan edi.
Bir yil o‘tgach, Meysonga qo‘yilgan ayblovlar olib tashlandi, ammo «Manchester Yunayted» o‘z ishini qayta boshladi.
The Athletic xabariga ko‘ra, «Manchester Yunayted»ning ba’zi xodimlari Grinvudning jamoaga qaytishi mumkinligidan uyalishmoqda.
Bunday vaziyatda ushbu xodimlar boykot yoki hatto ishdan bo‘shash variantlarini ko‘rib chiqmoqdalar.
