“Yuventus” hali ham “Chelsi” hujumchisi Romelu Lukakuni sotib olishga harakat qilmoqda.
"Ko‘klar" belgiyalik futbolchi bilan tezroq xayrlashish ustida faol ishlamoqda va 30 yoshli futbolchi allaqachon "Yuventus" bilan shaxsiy kelishuvga erishgan. Turin klubi hujumchi bilan shartnoma imzolashni chindan ham istaydi, ammo buni faqat bitta holatda amalga oshirish mumkin bo‘ladi - agar Dushan Vlaxovich qo‘yib yuborilsa, deydi Fabrisio Romano. Variantlardan biri serbni Lukakuga almashtirish bo‘lib, bu bir necha haftadan beri muhokama qilinmoqda, ammo "Chelsi" bu kelishuv doirasida "keksa sinyora" tomonidan talab qilinadigan qo‘shimcha to‘lovni taklif qilishga hali tayyor emas.
