“Ювентус” ҳали ҳам “Челси” ҳужумчиси Ромелу Лукакуни сотиб олишга ҳаракат қилмоқда.
"Кўклар" бельгиялик футболчи билан тезроқ хайрлашиш устида фаол ишламоқда ва 30 ёшли футболчи аллақачон "Ювентус" билан шахсий келишувга эришган. Турин клуби ҳужумчи билан шартнома имзолашни чиндан ҳам истайди, аммо буни фақат битта ҳолатда амалга ошириш мумкин бўлади - агар Душан Влахович қўйиб юборилса, дейди Фабрицио Романо. Вариантлардан бири сербни Лукакуга алмаштириш бўлиб, бу бир неча ҳафтадан бери муҳокама қилинмоқда, аммо "Челси" бу келишув доирасида "кекса синьора" томонидан талаб қилинадиган қўшимча тўловни таклиф қилишга ҳали тайёр эмас.
