Angliya chempionatining ikkinchi turida “Nottingem Forest” “Sheffild Yunayted”ni mag‘lub etib, mavsumdagi ilk g‘alabasini qo‘lga kiritdi. Ma’lum bo‘lishicha, klub o‘tgan mavsumni hisobga olsak, o‘z uyidagi o‘yinlarda qatorasiga to‘rtinchi g‘alabasiga erishdi.

Bu natija Premyer-ligada ketma-ket eng ko‘p uy uchrashuvlarida g‘alaba qozonish bo‘yicha klub rekordini takrorlaydi. Avvalgi rekord o‘tgan asrning 90-yillari o‘rtalarida o‘rnatilgandi - 1995 yilning dekabridan 1996 yilning yanvarigacha klub o‘z maydonida qatorasiga to‘rtta uchrashuvda g‘alaba qozongan.

Keyingi turda “o‘rmonchilar” “Old Trafford”da “Manchester Yunayted” bilan kuch sinashadi.