Myunxenning «Bavariya» jamoasi bosh murabbiyi Tomas Tuxel o‘z jamoasi futboliga qanday qarashi haqida gapirdi.
«Tezroq o‘ynashimizni, raqib jamoa tarafda ustunlik qilishimizni va ularni o‘z darvozamizdan uzoqlashtirishimizni istardim.
Men maydonning oxirgi uchdan bir qismida tavakkal qiladigan, lekin markazda va himoyada ham ehtiyotkorlik bilan o‘ynay oladigan faol o‘yin uslubini joriy qilmoqchiman.
Men jamoa imkon qadar ko‘proq golli vaziyatlar yaratishini istayman», - deya xabar beradi Bundesliga matbuot xizmati mutaxassisning so‘zlarini keltirgan holda.
«Bavariya» Germaniya chempionatining birinchi turida «Verder»ni 4:0 hisobida mag‘lub etdi.
