Turinning “Yuventus” klubi himoyachisi Aleks Sandro transfer oynasi oxirigacha jamoasini tark etishi mumkin. La Gazzetta dello Sport xabariga ko‘ra, shartnoma avtomatik ravishda uzaytirilganiga qaramay, braziliyalik futbolchi ketish imkoniyatini saqlab qolgan.
Manbaning xabar berishicha, Sandroning agenti yaqinda Saudiya Arabistoni klublari bilan muzokaralar olib borgan, biroq hozircha tomonlar o‘rtasida aniq hech narsa yo‘q.
Sandro 2015 yilning yozidan buyon Turinning "Yuventus" jamoasida o‘ynamoqda. Bu davrda 32 yoshli Aleks jamoasi bilan 5 marta A Seriya chempionligini qo‘lga kiritdi.
