Туриннинг “Ювентус” клуби ҳимоячиси Алекс Сандро трансфер ойнаси охиригача жамоасини тарк этиши мумкин. La Gazzetta dello Sport хабарига кўра, шартнома автоматик равишда узайтирилганига қарамай, бразилиялик футболчи кетиш имкониятини сақлаб қолган.
Манбанинг хабар беришича, Сандронинг агенти яқинда Саудия Арабистони клублари билан музокаралар олиб борган, бироқ ҳозирча томонлар ўртасида аниқ ҳеч нарса йўқ.
Сандро 2015 йилнинг ёзидан буён Туриннинг "Ювентус" жамоасида ўйнамоқда. Бу даврда 32 ёшли Алекс жамоаси билан 5 марта А Серия чемпионлигини қўлга киритди.
