"Bavariya" bosh murabbiyi Tomas Tuxel darvozabon Manuyel Noyer qachon safga qaytishi mumkinligini aytdi.
“Noyerning tiklanish prognozi sezilarli darajada kamaydi. Umid qilamizki, u 2-3 haftadan so‘ng jamoa bilan mashg‘ulotlarga kirisha oladi. O‘ylaymanki, shundan keyin u tezda formaga tushadi, chunki Manu allaqachon individual mashg‘ulot o‘tkazmoqda", - dedi Tuxel.
Noyer o‘tgan yilning dekabr oyi boshida chang‘i uchayotganda oyog‘ini sindirib olgan edi. So‘nggi marta u noyabr oyida Qatarda bo‘lib o‘tgan jahon chempionatida rasmiy o‘yinlarda maydonga tushgan.
