«PSJ» Frankfurtning «Ayntraxt» klubi hujumchisi Randal Kolo-Muani uchun zarur bo‘lgan 100 million yevroni to‘lamoqchi emas.
Jurnalist Fabris Xokinsning so‘zlariga ko‘ra, parijliklar shartnomaga Ugo Ekitikeni ham qo‘shib, narxni pasaytirmoqchi.
Eslatib o‘tamiz, Kolo-Muani hozirda «PSJ»ning asosiy transfer maqsadi bo‘lib turibdi, futbolchining o‘zi esa jamoa bilan shaxsiy shartnoma shartlarini kelishib olgan.
Ekitike o‘tgan mavsumda yetarlicha o‘ynay olmadi, shuning uchun hujumchi Frankfurtning «Ayntraxt»iga o‘tishga tayyor.
Manbaning xabar berishicha, «PSJ» bundan tashqari «Lion»dan Bredli Barkolani sotib olish bo‘yicha muzokaralar olib bormoqda.
