«ПСЖ» Франкфуртнинг «Айнтрахт» клуби ҳужумчиси Рандаль Коло-Муани учун зарур бўлган 100 миллион еврони тўламоқчи эмас.
Журналист Фабрис Хокинснинг сўзларига кўра, парижликлар шартномага Уго Экитикени ҳам қўшиб, нархни пасайтирмоқчи.
Эслатиб ўтамиз, Коло-Муани ҳозирда «ПСЖ»нинг асосий трансфер мақсади бўлиб турибди, футболчининг ўзи эса жамоа билан шахсий шартнома шартларини келишиб олган.
Экитике ўтган мавсумда етарлича ўйнай олмади, шунинг учун ҳужумчи Франкфуртнинг «Айнтрахт»ига ўтишга тайёр.
Манбанинг хабар беришича, «ПСЖ» бундан ташқари «Лион»дан Бредли Барколани сотиб олиш бўйича музокаралар олиб бормоқда.
