Himoyachi Leonardo Bonuchchi Italiya chempionati uchun «Yuventus» qaydnomasida yo‘q.

Avvalroq, iyul oyida tajribali futbolchi asosiy jamoadagi ishidan chetlashtirilgandi - Massimiliano Allegri u bilan hisoblashmaydi.

Katta ehtimol bilan Bonuchchi yozgi transfer oynasi tugaguniga qadar klubini o‘zgartiradi.

Leonardo Bonuchchi 36 yoshda, nufuzli transfermarkt portali ekspertlari futbolchini 1,5 million yevroga baholamoqda.

«Yuventus» safida Bonuchchi 502 ta rasmiy o‘yin o‘tkazib, 37 ta gol va 10 ta golli uzatmani amalga oshirgan.

A Seriyaning birinchi turida «Yuventus» 20 avgust kuni «Udineze»ga qarshi bahs olib boradi.