Ҳимоячи Леонардо Бонуччи Италия чемпионати учун «Ювентус» қайдномасида йўқ.

Аввалроқ, июль ойида тажрибали футболчи асосий жамоадаги ишидан четлаштирилганди - Массимилиано Аллегри у билан ҳисоблашмайди.

Катта эҳтимол билан Бонуччи ёзги трансфер ойнаси тугагунига қадар клубини ўзгартиради.

Леонардо Бонуччи 36 ёшда, нуфузли transfermarkt портали экспертлари футболчини 1,5 миллион еврога баҳоламоқда.

«Ювентус» сафида Бонуччи 502 та расмий ўйин ўтказиб, 37 та гол ва 10 та голли узатмани амалга оширган.

А Сериянинг биринчи турида «Ювентус» 20 август куни «Удинезе»га қарши баҳс олиб боради.