Leverkuzenning «Bayer» klubi «Sautgempton» vingeri Neytan Tellaga ko‘z tikmoqda. Jurnalist Florian Plettenbergning so‘zlariga ko‘ra, klublar transfer borasida hali kelishuvga erishmagan, biroq tomonlar o‘rtasida muzokaralar davom etmoqda.

«Bayer» angliyalik futbolchini bonuslar bilan birga 16-18 million yevroga baholamoqda, «Sautgempton» esa 25-30 million yevro so‘ramoqda. Tomonlar tez orada kelishuvga erishishga umid qilmoqda.

Eslatib o‘tamiz, «Sautgempton» o‘tgan mavsumda Angliya premyer-ligasidan tushib ketgan va hozir Chempionshipda o‘ynaydi.

Tella o‘zining so‘nggi mavsumini «Byornli» safida ijarada o‘tkazdi va chempionshipda 17 ta gol va 5 ta golli uzatmani amalga oshirdi.