Леверкузеннинг «Байер» клуби «Саутгемптон» вингери Нейтан Теллага кўз тикмоқда. Журналист Флориан Плеттенбергнинг сўзларига кўра, клублар трансфер борасида ҳали келишувга эришмаган, бироқ томонлар ўртасида музокаралар давом этмоқда.
«Байер» англиялик футболчини бонуслар билан бирга 16-18 миллион еврога баҳоламоқда, «Саутгемптон» эса 25-30 миллион евро сўрамоқда. Томонлар тез орада келишувга эришишга умид қилмоқда.
Эслатиб ўтамиз, «Саутгемптон» ўтган мавсумда Англия премьер-лигасидан тушиб кетган ва ҳозир Чемпионшипда ўйнайди.
Телла ўзининг сўнгги мавсумини «Бёрнли» сафида ижарада ўтказди ва чемпионшипда 17 та гол ва 5 та голли узатмани амалга оширди.
