«Manchester Yunayted» yarim himoyachisi va sardori Bruno Fernandesh jamoasining joriy mavsumdagi maqsadlari haqida gapirdi.
Eslatib o‘tamiz, «qizil iblislar» bir yillik tanaffusdan so‘ng Chempionlar ligasiga qaytishdi va u yerda tez orada guruh bosqichidagi raqiblarini bilib olishadi.
«Manchester Yunayted» o‘z oldiga eng yuqori maqsadlarni qo‘yishi kerak. Biz ishtirok etayotgan barcha turnirlarda g‘alaba uchun kurashishimiz kerak.
Klub bunga loyiq va tarix bizning doimo eng nufuzli sovrinlar uchun da’vogarlar qatorida bo‘lishimiz kerakligini aytadi», - dedi Fernandesh.
Fernandesh shu yozda himoyachi Xarri Maguayr o‘rniga «Manchester Yunayted»ning yangi sardori etib tayinlangandi.
