Juma oqshomida Germaniya Bundesligasida «Verder» – «Bavariya» (0:4) uchrashuvi bo‘lib o‘tdi. Bremen jamoasi muxlislari o‘yin davomida Uli Xyonessning eski iqtibosi tushirilgan bannerini joylashtirishdi.
Xyoness 2019 yilda shunday degan: «Dunyoda hech bir futbolchi 100 million yevroga teng emas». «Verder» muxlislari «Bavariya» yetakchilaridan biri bo‘lgan Keynni yozgi transfer uchun mazax qilib, bannerga joylashtirgan mana shu iqtibosni ko‘tarib oldi.
Avvalroq, «Bavariya» Keyn uchun 100 million yevro to‘lagani haqida xabarlar tarqalgan edi. Bu klub uchun rekord transfer hisoblanadi.
Uli Xyoness «Bavariya»ning faxriy prezidenti hisoblanadi. U klub direktorlar kengashida ham ishlaydi.
