Жума оқшомида Германия Бундеслигасида «Вердер» – «Бавария» (0:4) учрашуви бўлиб ўтди. Бремен жамоаси мухлислари ўйин давомида Ули Хёнесснинг эски иқтибоси туширилган баннерини жойлаштиришди.

Хёнесс 2019 йилда шундай деган: «Дунёда ҳеч бир футболчи 100 миллион еврога тенг эмас». «Вердер» мухлислари «Бавария» етакчиларидан бири бўлган Кейнни ёзги трансфер учун мазах қилиб, баннерга жойлаштирган мана шу иқтибосни кўтариб олди.

Аввалроқ, «Бавария» Кейн учун 100 миллион евро тўлагани ҳақида хабарлар тарқалган эди. Бу клуб учун рекорд трансфер ҳисобланади.

Ули Хёнесс «Бавария»нинг фахрий президенти ҳисобланади. У клуб директорлар кенгашида ҳам ишлайди.