“Andijon” jamoasi Superliganing 17-turida bu safar Toshkentning “Olimpik” klubini qabul qiladi.

“Andijon” – “Olimpik” qarama-qarshiligining tarixi boshlanganiga hali ko‘p bo‘lgani yo‘q. Aniqrog‘i, ilk to‘qnashuv shu yilning 3 aprel kuni bo‘lib o‘tdi. O‘shanda birinchi davra o‘yinidagi bellashuvda andijonliklar safarda Ildar Mamatkazinning yagona goli evaziga muhim uch ochkoni qo‘lga kiritgan.

21 avgust kungi bellashuv jamoalarning chempionatdagi o‘zaro ikkinchi o‘yiniga aylanadi.

Shuningdek, shu yilning 20 aprel sanasida “Andijon” va “Olimpik” Farg‘onadagi “Istiqlol” stadionida O‘zbekiston Kubogi guruh bosqichida ham to‘qnash kelishdi va unda darvozalar daxlsiz qolgan – 0:0.

“Andijon” – “Olimpik” uchrashuvi bugun, 21 avgust 19:00 da start oladi.