Darvozabon Ben Foster faoliyatini 2022 yil sentyabrida yakunlayotgan edi, ammo keyin ma’lum bo‘lishicha, futbolchi tanaffus olgan. Mart oyida Foster Angliyaning to‘rtinchi divizionida o‘ynaydigan "Reksem" bilan shartnoma imzoladi. Yangi mavsumda to‘rtta o‘yin o‘tkazgan 40 yoshli darvozabon qo‘lqoplarini mixga endi ildi.
"To‘g‘risi, yangi mavsumning so‘nggi o‘yinlarida men o‘zimdan talab qiladigan darajada o‘ynamadim. Men endi nafaqaga chiqish uchun to‘g‘ri vaqt ekanligini his qilyapman. Qaror qabul qilar ekanman, men nafaqat o‘zim, balki klub haqida ham o‘yladim", — dedi Foster.
