Дарвозабон Бен Фостер фаолиятини 2022 йил сентябрида якунлаётган эди, аммо кейин маълум бўлишича, футболчи танаффус олган. Март ойида Фостер Англиянинг тўртинчи дивизионида ўйнайдиган "Рексем" билан шартнома имзолади. Янги мавсумда тўртта ўйин ўтказган 40 ёшли дарвозабон қўлқопларини михга энди илди.

"Тўғриси, янги мавсумнинг сўнгги ўйинларида мен ўзимдан талаб қиладиган даражада ўйнамадим. Мен энди нафақага чиқиш учун тўғри вақт эканлигини ҳис қиляпман. Қарор қабул қилар эканман, мен нафақат ўзим, балки клуб ҳақида ҳам ўйладим", — деди Фостер.