"Manchester Siti"ga Dani Olmo va Florian Virsning transferini amalga oshirish qiyin bo‘ladi.
Har ikki futbolchini ham “shaharliklar” yil oxirigacha jarohati sabab safdan chiqqan Kevin de Bryuynega o‘rinbosar sifatida ko‘rishdi. City Zone xabariga ko‘ra, manchesterliklar Olmo bilan shartnoma imzolashiga ishonmayapti, chunki "Leypsig" 25 yoshli ispaniyalikni "daxlsiz" deb hisoblaydi. Xuddi shu narsa 20 yoshli Virs uchun ham amal qiladi, uni "Bayer" sotishdan manfaatdor emas.
Transfermarkt ekspertlari Olmoning narxini 40 million yevroga, Virsni 85 millionga baholamoqda. Har ikki hujumkor yarim himoyachining shartnomasi 2027 yilgacha tuzilgan.
