"Манчестер Сити"га Дани Ольмо ва Флориан Вирцнинг трансферини амалга ошириш қийин бўлади.
Ҳар икки футболчини ҳам “шаҳарликлар” йил охиригача жароҳати сабаб сафдан чиққан Кевин де Брюйнега ўринбосар сифатида кўришди. City Zone хабарига кўра, манчестерликлар Ольмо билан шартнома имзолашига ишонмаяпти, чунки "Лейпциг" 25 ёшли испанияликни "дахлсиз" деб ҳисоблайди. Худди шу нарса 20 ёшли Вирц учун ҳам амал қилади, уни "Байер" сотишдан манфаатдор эмас.
Transfermarkt экспертлари Ольмонинг нархини 40 миллион еврога, Вирцни 85 миллионга баҳоламоқда. Ҳар икки ҳужумкор ярим ҳимоячининг шартномаси 2027 йилгача тузилган.
