"Yuventus" hujumchisi Moyze Kin "Fulxem"ning transfer maqsadi bo‘lib qolmoqda.
Turin klubidagi kelajagi OAVda muntazam ravishda muhokama qilinayotgan 23 yoshli futbolchiga londonliklar asosiy da’vogarlardan biri sanaladi. La Gazette Dello Sport xabariga ko‘ra, "Fulxem" italiyalik futbolchi uchun 30 million yevrolik taklif bilan muzokaralarni boshlashga tayyor, ammo "Yuventus" hujumchini sotishdan 40 millionga yaqin daromad olmoqchi.
Moyze Kinning "keksa sinyora" bilan shartnomasi 2025 yilning yoziga qadar tuzilgan. O‘tgan mavsumda futbolchi Massimiliano Allegri jamoasi safida 40 ta o‘yinda maydonga tushib, 8 ta gol urishga erishdi.













