"Ювентус" ҳужумчиси Мойзе Кин "Фулхэм"нинг трансфер мақсади бўлиб қолмоқда.
Турин клубидаги келажаги ОАВда мунтазам равишда муҳокама қилинаётган 23 ёшли футболчига лондонликлар асосий даъвогарлардан бири саналади. La Gazette Dello Sport хабарига кўра, "Фулхэм" италиялик футболчи учун 30 миллион евролик таклиф билан музокараларни бошлашга тайёр, аммо "Ювентус" ҳужумчини сотишдан 40 миллионга яқин даромад олмоқчи.
Мойзе Киннинг "кекса синьора" билан шартномаси 2025 йилнинг ёзига қадар тузилган. Ўтган мавсумда футболчи Массимилиано Аллегри жамоаси сафида 40 та ўйинда майдонга тушиб, 8 та гол уришга эришди.
