“Galatasaroy” hujumchisi Mauro Ikardi faoliyatidagi gollari soni 200 tadan oshdi.

Argentinalik futbolchining yubileyi Chempionlar ligasi saralashining pley-off bosqichida “Molde” darvozasiga urilgan gol bo‘ldi, deya qayd etadi OPTA. Uchrashuv turkiyaliklarning 3:2 hisobidagi g‘alabasi bilan yakunlandi. E’tiborlisi, Ikardining barcha turnirlarda urgan gollarining salmoqli qismi - 200 goldan 124 tasi Milanning "Inter" klubida o‘ynagan davrga to‘g‘ri keladi. Forvard parijliklar safida yana 38 ta, “Galatasaroy”da 27 ta, “Sampdoriya”da 11 ta gol urishga erishdi.

Eslatib o‘tamiz, Mauro Ikardi shu yilning iyul oyida "PSJ"dan "Galatasaroy"ga o‘tgan edi. Avvalroq 30 yoshli futbolchi Turkiya grandida ijara asosida o‘ynagan.