“Галатасарой” ҳужумчиси Мауро Икарди фаолиятидаги голлари сони 200 тадан ошди.
Аргентиналик футболчининг юбилейи Чемпионлар лигаси саралашининг плей-офф босқичида “Мольде” дарвозасига урилган гол бўлди, дея қайд этади OPTA. Учрашув туркияликларнинг 3:2 ҳисобидаги ғалабаси билан якунланди. Эътиборлиси, Икардининг барча турнирларда урган голларининг салмоқли қисми - 200 голдан 124 таси Миланнинг "Интер" клубида ўйнаган даврга тўғри келади. Форвард парижликлар сафида яна 38 та, “Галатасарой”да 27 та, “Сампдория”да 11 та гол уришга эришди.
Эслатиб ўтамиз, Мауро Икарди шу йилнинг июль ойида "ПСЖ"дан "Галатасарой"га ўтган эди. Аввалроқ 30 ёшли футболчи Туркия грандида ижара асосида ўйнаган.
