Kataloniyaning "Barselona" klubi o‘z hujumchisi Ferran Torresning jismoniy holatidan juda mamnun. Relevo xabariga ko‘ra, "ko‘k-anorranglilar" murabbiylar shtabi hozirda ispaniyalikning holatidan xursand.

Ma’lumotlarga ko‘ra, Torres yozgi mavsumda juda ko‘p mushak massasiga ega bo‘lgan. "Barselona"ning fikricha, Ferran hozirda faoliyatidagi har qachongidan ham yaxshi formada.

Eslatib o‘tamiz, shu yozda "Barselona" rahbariyati boshqa transferlarni moliyalashtirish maqsadida Ferranni sotishga harakat qilgandi. Biroq "Manchester Siti"ning sobiq hujumchisi boshqa top-klublar qiziqishiga qaramay, jamoani tark etishdan butunlay bosh tortdi.