Каталониянинг "Барселона" клуби ўз ҳужумчиси Ферран Торреснинг жисмоний ҳолатидан жуда мамнун. Relevo хабарига кўра, "кўк-анорранглилар" мураббийлар штаби ҳозирда испанияликнинг ҳолатидан хурсанд.
Маълумотларга кўра, Торрес ёзги мавсумда жуда кўп мушак массасига эга бўлган. "Барселона"нинг фикрича, Ферран ҳозирда фаолиятидаги ҳар қачонгидан ҳам яхши формада.
Эслатиб ўтамиз, шу ёзда "Барселона" раҳбарияти бошқа трансферларни молиялаштириш мақсадида Ферранни сотишга ҳаракат қилганди. Бироқ "Манчестер Сити"нинг собиқ ҳужумчиси бошқа топ-клублар қизиқишига қарамай, жамоани тарк этишдан бутунлай бош тортди.
