"Chelsi" hujumchisi Romelu Lukaku Turinning "Yuventus" klubiga o‘tishdan bosh tortdi. Jurnalist Mett Louning so‘zlariga ko‘ra, hujumchi “keksa sinyora”dan harakat kutishdan charchagan. Endi belgiyalik Massimiliano Allegri jamoasiga o‘tish niyatida emas.
“Yuventus” poygadan chiqib ketganidan so‘ng, Lukaku endi Italiyaning boshqa klubi – Joze Mourinyo boshchiligidagi “Roma”ga o‘tmoqchi. Eslatib o‘tamiz, Romelu "Chelsi" va "Manchester Yunayted"da portugaliyalik mutaxassis qo‘l ostida ishlagan.
Lukaku "Chelsi"ga ikki yil avval "Inter"dan 113 million yevro evaziga o‘tgan edi.