"Челси" ҳужумчиси Ромелу Лукаку Туриннинг "Ювентус" клубига ўтишдан бош тортди. Журналист Мэтт Лоунинг сўзларига кўра, ҳужумчи “кекса синьора”дан ҳаракат кутишдан чарчаган. Энди бельгиялик Массимилиано Аллегри жамоасига ўтиш ниятида эмас.
“Ювентус” пойгадан чиқиб кетганидан сўнг, Лукаку энди Италиянинг бошқа клуби – Жозе Моуриньо бошчилигидаги “Рома”га ўтмоқчи. Эслатиб ўтамиз, Ромелу "Челси" ва "Манчестер Юнайтед"да португалиялик мутахассис қўл остида ишлаган.
Лукаку "Челси"га икки йил аввал "Интер"дан 113 миллион евро эвазига ўтган эди.
