"Betis"ning 30 yoshli hujumchisi Borxa Iglesias Luis Rubiales Ispaniya Qirollik Futbol Federasiyasi (RFEF) boshqaruvida qolar ekan, Ispaniya terma jamoasida o‘ynamasligini aytdi.
Ayollar o‘rtasidagi jahon chempionati finalida Angliya terma jamoasi ustidan qozonilgan g‘alaba (1:0) munosabati bilan taqdirlash marosimida Ispaniya terma jamoasi futbolchisi Jennifer Ermosoni quchoqlab o‘pgan Rubiales tanqidlarga uchradi. Juma kuni Rubiales o‘z harakatini tushuntirdi va iste’foga chiqmoqchi emasligini ta’kidladi.
"Men qayg‘udaman va hafsalam pir bo‘lgandi. Futbolchi va inson sifatida bugun sodir bo‘lgan voqealarga qo‘shilmayman. Hamkasbimda bosim va e’tibor saqlanib qolayotganidan afsusdaman.
Ispaniya terma jamoasida o‘ynash - faoliyatimdagi eng katta voqealardan biri. Bu imkoniyat yana qo‘lga kiritiladimi yoki yo‘qmi, bilmayman. Ammo vaziyat o‘zgarmagunicha terma jamoaga qaytmaslikka qaror qildim", - deb post qoldirdi Iglesias ijtimoiy tarmoqlarda.
Iglesias Ispaniya terma jamoasi safida ikkita o‘yin o‘tkazadi - Millatlar ligasida 2022 yil 24 sentyabrda Shveysariyaga qarshi (1:2) va Yevro-2024 saralashida 28 mart kuni Shotlandiyaga (0:2) qarshi o‘ynaydi.
