"Manchester Siti" markaziy himoyachisi Yoshko Gvardiol yangi jamoasining qanday maqsadlari borligi haqida fikr bildirdi.
21 yoshli xorvatiyalik himoyachi avgust oyi boshida “Leypsig”dan “shaharliklar” safiga kelib qo‘shilgandi. Transfer narxi 90 million yevroga baholanmoqda.
"Umid qilamanki, bu mavsumda Chempionlar ligasida g‘alaba qozonamiz. Men hech qachon bu turnirda g‘olib bo‘lmaganman va unda hech bo‘lmaganda bir marta g‘alabani nishonlashni juda xohlardim", - dedi Gvardiol City Zone bilan suhbatda.
Yoshko Gvardiol "Manchester Siti"ga o‘tgandan so‘ng uchta o‘yinda maydonga tushdi, Ispaniyaning "Sevilya" jamoasiga qarshi UYEFA Superkubogida g‘alaba qozondi.
