"Chelsi" hujumchisi Romelu Lukaku "Roma"ga o‘tishga yaqin turibdi.
Belgiyalik futbolchi transfer oynasi yopilguniga qadar ingliz klubi safini tark etadi. Yaqin-yaqingacha “Yuventus” Lukakuga asosiy da’vogar hisoblanardi, ammo ular “ko‘klar”ga mos keladigan taklifni ayta olmadi.
Insayder Nikolo Shkiraning so‘zlariga ko‘ra, “Roma” vakillari bugun Londonda “Chelsi” rahbariyati bilan uchrashib, 30 yoshli hujumchining potensial transferini muhokama qilishgan va muzokaralar muvaffaqiyatli o‘tgan. Rim klubi boshliqlari kelishuv tezroq yakunlanishiga ishonch bildirishmoqda.
"Roma" Romelu Lukakuni 10 million yevro evaziga ijaraga olgani haqida xabarlar tarqalgan edi.
