"Челси" ҳужумчиси Ромелу Лукаку "Рома"га ўтишга яқин турибди.

Бельгиялик футболчи трансфер ойнаси ёпилгунига қадар инглиз клуби сафини тарк этади. Яқин-яқингача “Ювентус” Лукакуга асосий даъвогар ҳисобланарди, аммо улар “кўклар”га мос келадиган таклифни айта олмади.

Инсайдер Николо Шкиранинг сўзларига кўра, “Рома” вакиллари бугун Лондонда “Челси” раҳбарияти билан учрашиб, 30 ёшли ҳужумчининг потенциал трансферини муҳокама қилишган ва музокаралар муваффақиятли ўтган. Рим клуби бошлиқлари келишув тезроқ якунланишига ишонч билдиришмоқда.

"Рома" Ромелу Лукакуни 10 миллион евро эвазига ижарага олгани ҳақида хабарлар тарқалган эди.