Hujumchi Moyze Kinning hozirgi maoshi “Yuventus” rahbariyatini xavotirga solmoqda.
Mish-mishlar 23 yoshli futbolchining jamoadan ketishi bilan bog‘liq va Angliyaning "Fulxem" jamoasi unga allaqachon qiziqish bildirgan. "Keksa senyora" hujumchi bilan xayrlashishga shoshilmayapti, u uchun katta pul so‘rayapti, ammo Kinning yuqori maoshi "Yuventus" boshliqlarini sotish haqida jiddiy o‘ylashga majbur qilishi mumkin.
Jurnalist Romeo Agrestining yozishicha, italiyalik futbolchi yiliga 3 million yevroga yaqin maosh oladi, klub fikricha, bu uning hozirgi o‘yin darajasiga to‘g‘ri kelmaydi.
Moyze Kin o‘tgan mavsumda 40 ta o‘yinda 8 ta gol urdi. "Everton"dan futbolchini sotib olish "Yuventus"ga 30 million yevroga tushdi.