“Real” yarim himoyachisi Jud Bellingem Ispaniya chempionatining 3-turida “Selta”ga (1:0) qarshi o‘yinda g‘alaba golini kiritdi. 20 yoshli ingliz futbolchisi La Ligadagi qatorasiga uchinchi uchrashuvida gol urdi.
Opta xabariga ko‘ra, u Krishtianu Ronaldu va Uesli Snayderdan keyin "Real Madrid" safidagi dastlabki uchta o‘yinning har birida gol urgan uchinchi futbolchi bo‘ldi.
"Real Madrid" mavsum boshida ketma-ket uchinchi g‘alabasini qo‘lga kiritib, turnir jadvalida birinchi o‘rinni egallab turibdi.
