SSKAga yangi kelgan hamyurtimiz Abbosbek Fayzullayev jamoada moslashuv jarayoni qanday kechayotgani haqida gapirib, "hayrbiylar" jamoasida o‘ynashdan umidlari bilan o‘rtoqlashdi.

Poytaxt klubi "Paxtakor"ning 19 yoshli sobiq yarim himoyachisi bilan 2025/26 yilgi mavsum so‘nggiga qadar uzaytirish varianti bilan shartnoma imzoladi.

"Moslashuv juda yaxshi ketmoqda, yigitlar menga katta yordam berishdi, ularga rahmat, Baxa (Baxtiyor Zaynutdinov) ham menga katta yordam berdi, unga rahmat. Unga Turkiyada omad tilayman. Ammo moslashuv hali ham davom etmoqda. Baxa menga yigitlar, klub, baza bilan tanishishimga yordam berdi, u hamma narsada yordam berdi.

SSKA menga 20 yoshgacha bo‘lgan futbolchilar o‘rtasidagi Osiyo chempionatidan keyin qiziqib qolganini bildim, lekin birinchi davra yakunlanishini kutdim, shundan so‘ng o‘ylanib, shu yerga ko‘chib o‘tdim. O‘ylaymanki, navbatdagi qadamni tashlash va o‘z o‘yinimni va qobiliyatimni oshirish vaqti keldi", — dedi Fayzullayev "TASS" bilan suhbatda.

Avgust oyi oxirida Zaynutdinov SSKAdan Turkiyaning "Beshiktosh" klubiga o‘tdi.