ЦСКАга янги келган ҳамюртимиз Аббосбек Файзуллаев жамоада мослашув жараёни қандай кечаётгани ҳақида гапириб, "ҳайрбийлар" жамоасида ўйнашдан умидлари билан ўртоқлашди.
Пойтахт клуби "Пахтакор"нинг 19 ёшли собиқ ярим ҳимоячиси билан 2025/26 йилги мавсум сўнггига қадар узайтириш варианти билан шартнома имзолади.
"Мослашув жуда яхши кетмоқда, йигитлар менга катта ёрдам беришди, уларга раҳмат, Баха (Бахтиёр Зайнутдинов) ҳам менга катта ёрдам берди, унга раҳмат. Унга Туркияда омад тилайман. Аммо мослашув ҳали ҳам давом этмоқда. Баха менга йигитлар, клуб, база билан танишишимга ёрдам берди, у ҳамма нарсада ёрдам берди.
ЦСКА менга 20 ёшгача бўлган футболчилар ўртасидаги Осиё чемпионатидан кейин қизиқиб қолганини билдим, лекин биринчи давра якунланишини кутдим, шундан сўнг ўйланиб, шу ерга кўчиб ўтдим. Ўйлайманки, навбатдаги қадамни ташлаш ва ўз ўйинимни ва қобилиятимни ошириш вақти келди", — деди Файзуллаев "ТАСС" билан суҳбатда.
Август ойи охирида Зайнутдинов ЦСКАдан Туркиянинг "Бешиктош" клубига ўтди.
