"PSJ" yarim himoyachisi Yulian Draksler "Kristal Pelas"ga o‘tishdan bosh tortdi, deya xabar beradi Sky Germany.
Oldinroq insayder Fabris Xokins nemis futbolchisi faoliyatini APLda davom ettirishga qarshi emasligini aytgandi.
29 yoshli futbolchining fransuz klubi bilan shartnomasi joriy mavsum oxirigacha hisoblangan. Transfermarkt portali uni olti million yevroga baholamoqda.
Draksler o‘tgan mavsumni Portugaliyaning "Benfika" jamoasida ijara asosida o‘tkazdi va klubda 18 o‘yinda ikkita gol urishga muvaffaq bo‘ldi.













