"Roma" himoyachisi Janluka Manchini jamoasining Italiya chempionatining yangi mavsumidagi starti haqida gapirdi. Birinchi turda “Bo‘rilar” “Salernitana” bilan durang o‘ynashdi, keyin esa “Verona”dan mag‘lub bo‘lishdi (1:2).

“Biz uchun qiyin start. Oxirgi o‘yinda qiyinchiliklarga duch keldik. Ikki uchrashuvda bir ochko olish biz uchun yomon natija”, - deya futbolchining so‘zlarini keltiradi Football Italia.

Rim jamoasi navbatdagi o‘yinni 1 sentyabr kuni o‘z maydonida "Milan"ga qarshi o‘tkazadi. O‘tkazilgan ikki tur natijasiga ko‘ra, Joze Mourinyo shogirdlari bir ochko bilan turnir jadvalida 13-o‘rinda bormoqda.