"Рома" ҳимоячиси Жанлука Манчини жамоасининг Италия чемпионатининг янги мавсумидаги старти ҳақида гапирди. Биринчи турда “Бўрилар” “Салернитана” билан дуранг ўйнашди, кейин эса “Верона”дан мағлуб бўлишди (1:2).
“Биз учун қийин старт. Охирги ўйинда қийинчиликларга дуч келдик. Икки учрашувда бир очко олиш биз учун ёмон натижа”, - дея футболчининг сўзларини келтиради Football Italia.
Рим жамоаси навбатдаги ўйинни 1 сентябрь куни ўз майдонида "Милан"га қарши ўтказади. Ўтказилган икки тур натижасига кўра, Жозе Моуриньо шогирдлари бир очко билан турнир жадвалида 13-ўринда бормоқда.
